2026-жылдын май айына карата Кыргыз Республикасынын шаарларындагы атмосфералык абанын булгануу абалы боюнча маалымат

Кыргызгидрометтин Айлана - чөйрөнүн булгануусун байкоо башкармалыгынын маалыматына ылайык Кыргыз Республикасынын шаарларындагы атмосфералык абанын булгануу деңгээли май айында өткөн айга салыштырмалуу бир аз өзгөргөн. Абанын экстремалдык жогорку булгануу учурлары байкалган жок.

            Май айында өткөн айга салыштырмалуу Бишкек шаарынын атмосфералык абасында күкүрт жана азот кошкычкылынын концентрациясы төмөндөп, ал эми азот кычкылынын концентрациясы мурдагы айдын деңгээлинде калды

            Шаардын түндүк жана түндүк-батыш бөлүгүндө абанын булгануусу орточо көрсөткүчтөрдөн жогору болду. Күкүрт кошкычкылынын орточо айлык кармалышы 0,04 ЧДК, азот кошкычкылы 2,0 ЧДК жана азот кычкылы 1,17 ЧДКны түздү.

Бишкек шаарында стационардык посттордон алынган маалыматка ылайык, май айында азот кошкычкылы боюнча 26 күн бир жолку чоң өлчөмдөгү ЧДКдан жогору корсөткүчтөр байкалган. Башка булгоочу заттар боюнча бир жолку ЧДКдан ашуулар катталган эмес. Орточо суткалык ЧДКдан ашуулар: азот кошкычкылы боюнча - 17 күн, азот кычкылы боюнча - 10 күн; күкүрт кошкычкылы боюнча байкалган эмес.

Бишкек шаарындагы стационардык посттордун маалыматына ылайык, май айында азот кошкычкылы боюнча стандарттык индекстин көрсөткүчтөрү 0,9дан 3,5ге чейин өзгөрүп, шаар аймагындагы абанын булгануу деңгээлинин ар түрдүү экендигин көрсөттү.

2026-жылдын май айында Кара-Балта, Токмок жана Ош шаарларында аныкталуучу кирдетүүчү заттардын орточо-суткалык жана бир жолку чоң өлчөмдөгү концентрациялары ЧДКнын деңгээлинде болгон.

Билдирүү: ЧДК (чектүү деңгээлдеги концентрациясы) – кирдетүүчү заттын узак убакыт аралыгында күн сайын адамдын организмине таасир эткенде, эч кандай патологиялык ѳзгѳруүлѳргѳ же ооруларга алып келбеген концентрация.