Шашылыш билдирүү

Шашылыш билдирүү 22-23-январларда Кыргызстан аймагында аба-ырайынын кескин өзгөрүлүшү күтүлөт: мезгил-мезгили менен кар жаашы, айрым жерлерде жаан-чачын катуу жаашы күтүлөт. Абанын температурасы төмөндөйт. Айрым жерлерде туман түшүшү күтүлөт. Республиканын түштүк аймактарында зымдарга жана бактарга суу кар жабышышы күтүлөт. Жолдор тоңголок жана тайгак болуп, тоолуу аймактарда кар күрткүсү күтүлөт. Батыштан соккон шамалдын ылдамдыгы айрым жерлерде секундасына 15-20 метрге, Ысык-Көл акваториясында 19-24 метрге жетиши күтүлөт. 23-январда күндүз жана 24-25-январларда абанын температурасы кескин төмөндөп, Чүй өрөөнүндө түнкүсүн -15…-20°, түндүгүндө -19…-24°, күндүз -4…-9°, Талас өрөөнүндө түнкүсүн -14…-19°, Кара-Буура районунда -17…-22°, күндүз -6…-11°, Ош, Жалал-Абад, Баткен облустарынын өрөөндөрүндө түнкүсүн -6…-11°, күндүз 0…-5°, Ысык-Көл ойдуңунда түнкүсүн -11…-16°, күндүз -3…-8°, Нарын облусунун дыйканчылык аймактарында түнкүсүн -20…-25°, күндүз -5…-10°, республиканын тоо этектериндеги райондорунда түнкүсүн -18…-23°, күндүз -7…-12°, тоолуу райондордо түнкүсүн -20…-25°, күндүз -8…-13°, бийик тоолуу райондордо түнкүсүн -30…-35°, күндүз -15…-20° суук, Суусамыр өрөөнүндө түнкүсүн -31…-36°, күндүз -15…-20° суук болушу күтүлөт. Мындай туруксуз аба-ырайы автоунаа, энергетика жана коммуналдык кызматтардын ишин жана жайыттарда малды кармоону кыйындатат.